Товарниот сообраќај и натаму останува блокиран поради протестот на транспортните превозници од Западен Балкан кои во понеделникот поставија камиони на граничните премини кон шенген зоната барајќи од ЕУ да се измени правилото за електронска евиденција за престој во шенген-зоната во согласност со правилото 90/180 дена.
Првичните проценки на коморите се дека штетите од блокадите дневно изнесуваат 100 милиони евра за регионот од кој во протестот се вклучени камионските транспортери од државава, Србија, Црна Гора и Босна и Херцеговина.
И Бугарија пријави дека трпи штети, бидејки транспортерите се принудени да бараат алтернативни низ Романија патишта кои временски им го продолжуваат нивниот транспорт до европските дестинации, а загубите кои ги пресметале се од 10 до 12 евра на час за платите на возачите и гориво на возилата.
Во меѓувреме, на проблеми поради новиот начин на евиденција укажаа и возачите на автобусите во меѓународниот превоз од каде апелиарат до европските институции за фер и применливо решение што ќе го земе предвид специфичниот карактер на професионалниот превоз на патници и стока.
