Во дербито на седмото коло од разигрувањето за шампионската титула, Еурофарм Пелистер го совлада Алкалоид со 35:25 и направи уште еден крупен чекор кон одбрана на трофејот во домашното првенство.
Битолчани доминираа во текот на целиот натпревар и во ниту еден момент на противникот не му дадоа надеж дека може да направи изненадување и на крајот сосема заслужено стигнаа до убедлив триумф.
Најефикасен во победничкиот тим со 12 гола беше Нејц Цехте, шест пати прецизен беше Богдан Радивојевиќ додека во составот на Алкалоид шест погодоци беа дело на Дамјан Митев.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.