Фудбалерот на Лил, Лени Јоро е еден од приоритетните трансфери за Реал Мадрид летово. Се работи за 18-годишен централен дефанзивец, кој е трансфер-цел и на неколку други европски гиганти како ПСЖ, Баерн Минхен и неколку премиерлигаши.
Неговиот договор со Лил истекува во јуни 2025 година, па затоа Реал Мадрид сака да го доведе уште ова лето и е подготвен да плати обештетување. Јоро е заинтересиран за трансфер во Мадрид, бидејќи клубот не се плаши да им даде шанса на младите играчи, како што тоа беше случај во минатото со Рафаел Варан, а во поново време со Едуардо Камавинга, Винисиус Жуниор и Родриго.
„Кралевите“ ќе испратат понуда од околу 30 милиони евра за младиот дефанзивец.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.