Ракомет Спорт

Македонија убедлива против Азербејџан: Пласманот на ЕП 2024 е речиси обезбеден

Македонската женска ракометна репрезентација славеше убедлива победа на гостувањето кај Азербејџан и се најде на чекор до пласман на Европското првенство, што ќе се одржи годинава во Австрија, Швајцарија и Унгарија. Македонија сега чека услуга од фаворитот Шпанија, кој ако слави на гостувањето кај Литванија, нашите ракометарки уште вечерва на едно коло до крајот ќе прослават пласман на континенталниот турнир.

Избраничките на селекторот Кристијан Грчевски добро го почнаа натпреварот со 0-4. Изненадувачки Азербејџан дојде до израмнување 5-5, но тоа само ги мотивираше нашите ракометарки во продолжението. На полувремето веќе имавме опиплива предност во Баку од 12-19.

Во вториот дел од минута во минута само го зголемувавме водството до највисоки +16 голови разлика. Конечниот резултат гласеше 22-37.

Јована Саздовска со седум голови беше најефикасна во редовите на Македонија, Сара Ристовска имаше гол помалку, а голманките Јована Мицевска и Драгана Петковска имаа по четири интервенции.

Во последното коло од квалификациите во рамки на групата 5 на домашен терен ја пречекуваме Литванија во салата „Борис Трајковски“ во Скопје со почеток од 18 часот.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Пиоли сигурно добива отказ: Милан назначува поранешен играч на кормилото

Desk

Холанѓанец ќе го наследи Јирген Клоп на клупата на Ливерпул

Desk

ПСЖ е подготвен да плати 200 милиони евра за тинејџер на Барселона

Desk

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе