Бостон продолжува да реди победи и стигна до деветтата во низа откако славеше на гости кај Чикаго со 124-113. Џејсон Тејтум постигна 26 поени за Селтикс, а Сем Хаузер и Ал Хорфорд имаа по 22. Гостите иако беа без Кристапс Порцингис и Џејлен Браун немаа проблеми да запишат нов триумф.
И Денвер беше без својот тандем Никола Јокиќ и Џамал Мареј, но тоа не беше пречка шампионот да победи во Портланд со 114-111. Реџи Џексон имаше 23 поени, а Арон Гордон 22 поени и 12 скока за Нагетс.
Хјустон е еден од тимовите во најдобра форма и утринава го запиша осмиот триумф по ред со 147-109 против Јута. Џејлен Грин имаше 41 поен, а Фред ван Влит имаше 34 за Рокетс, кои прават силен атак на местата кои водат во плеј-ин турнирот.
НА ОСТАНАТИТЕ НАТПРЕВАРИ
Њујорк – Бруклин 105-93
Орландо – Сакраменто 107-109
Атланта – Шарлот 132-91
Сан Антонио – Феникс 106-131
Вашингтон – Торонто 112-109