Фудбалерите на ПАОК во реваншот од осминафиналето во Конференциската лига го совладаа загрепски Динамо со 5:1 и го продолжи настапот во третото по ранг европско клупско натпреварување.
Во тимот на хрватскиот шампион од двајцата наши интернационалци настапи само Стефан Ристовски додека Аријан Адеми не е пријавен за мечевите во Конференциската лига.
Динамо не успеа да ја одбрани предноста од 2:0 по првиот меч, а ПАОК ја анулираше уште во првото полувреме кога со головите Баба, Сучиќ кој ја погоди сопствената мрежа и Брендон имаше водство од 3:0.
Во 49. минута Хоџа намали на 3:1, а потоа следуваа погодоците на Кулеракис и Живковиќ од пенал за триумф од 5:1.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.