Оризопроизводителите од кочанско, виничко, карбинско и пробиштипско протестираа на четири локации на регионалниот пат Штип-Кочани. Со земјоделската механизација го искажаа својот револт од ниската откупна цена на оризот и неколкукратно зголемените трошоци за производство и жетва. Побараа откупната цена на оризовата арпа да изнесува 40 денари, интервентен откуп и нивниот производ да се прогласи за стратешка култура.
Денешниот протест на оризопроизводител беше еден од најмасовните. Жетвата на оризот се ближи, а поради неколкуратно зголемените трошоци незивесно е дали комабјните ќе влезат во нивите.
Оризопроизводителите најавија дека и наредните денови ќе протестираат со блокади на едната коловозна лента на патот Штип-Кочани се додека не се сретнат со премиерот и ресорниот министер, за да им ги испорачаат барањата.
Викторија Димитрова Јованова