Селекторот на македонската машка ракометна репрезентација Кире Лазаров го соопшти поширокиот список на играчи кои ќе бидат во конкуренција за бараж дуелот за пласман во квалификациите за Светското првенство против Романија.
Капитенот и предводникот на националниот тим на поширокиот список има 35 ракометари. Лазаров кој поради повреда го пропушти настапот на Европскиот шампионат овој пат е во конкуренција за дуелите со Романците, а повикан е и Филип Миркуловски, кој по континенталното првенство најави дека мечевите од мундијалските баражи за него ќе бидат последни во дресот на репрезентацијата.
Покрај двајцата најискусни Лазаров повика пет голмани, а нови имиња се Мартин Поповски кој се враќа во составот и Тоше Ончев кој оваа сезона игра одлично во дресот на словенечкиот Тримо.
Собирот е закажан за почетокот на следната недела, а првиот натпревар со Романците го играме на 17 овој месец во Скопје.
ФОТО: Игор Паневски