Германскиот прозведувач на спортска опрема Адидас соопшти дека поради инвазијата врз Украина еднострано ја прекинува соработката со Руската фудбалска асоцијација.
Во соопштението на компанијате се истакнува дека поради моменталната ситуација тие се принудени да го раскинат договорот кој важи уште од 2008 година.
Во Адидас се свесни дека со овој потег ќе имаат голема финансиска загуба со оглед на фактот дека скоро три проценти од вкупниот приход на компанијата доаѓал токму од Русија.
Раскинот на договорот е само продолжение на санкциите кон рускиот фудбал откако вчера ФИФА и УЕФА донесоа одлука за суспендирање на националниот тим и клубовите од сите натпреваувања во нејзина организација.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.