За разлика од претходните два натпревари на претквалификацискиот турнир во Скопје овој пат кошаркарите нема да имаат поддршка од трибините откако здравствените власти во земјава не дозволија присуство на гледачи во салата на СЦ Јане Сандански.
“Македонската кошаркарска федерација направи се за да добие дозвола за организација на овој последен натпревар од претквалификациите со присуство на гледачи, Искрено жалиме поради одлуката овој важен натпревар да се одигра без присуство на гледачи.
По добивањето на препораките, односно најновите мерки за заштита од Ковид-19, донесени од страна на здравствените и државни авторитети, федерацијата одлучи дека стриктно ќе ги почитува најновите одлуки кои се однесуваат на протоколите за организација на официјални натпревари во затворен простор”, се вели во соопштението на Кошаркарската федерација.
ФОТО: Игор Паневски
