Триесет и петгодишната жена чие дете утрово го загуби животот во пожар во стан на улица „Кеј Вардар“ во Гостивар, е лишена од слобода, информираат од СВР Тетово.
Од таму наведуваат дека С. Т. од Ресен веднаш по лишувањето од слобода откако ѝ е пружена медицинска помош, околу пладне задржана е во полициска станица Гостивар, под соменение дека сторила кривично дело „повреда на семејни обврски“ (член 203 став 2 од КЗ).
Таму таа најверојатно ќе биде задржана до утре за расвелтување на поединости околу настанот, по што се очекува да биде изведена пред судија на претходна постапка во Основниот суд Гостивар.
Според информациите од обвинителството првичните сознанија на лекарскиот тим покажале дека детето кое почина во пожарот, како последица од задушување, било врзано со ланец на нозете. Според исказот на семејството, тоа го направиле поради неговата агресивност.
Ќе се проверува евентуална кривична одговорност, а причините за пожарот ќе се знаат по вештачењето на специјална екипа на МВР.
„ПРВИЧНИТЕ СОЗНАНИЈА НА ЛЕКАРСКИОТ ТИМ НА ЛИЦЕ МЕСТО УПАТУВААТ НА ТОА ДЕКА ДЕТЕТО ЗА ВРЕМЕ НА ПОЖАРОТ БИЛО ВРЗАНО СО ЛАНЕЦ НА НОЗЕТЕ. СПОРЕД ИСКАЗОТ НА СЕМЕЈСТВОТО, ПРИЧИНА ЗА ВРЗУВАЊЕТО БИЛО ШТО ДЕТЕТО БИЛО АГРЕСИВНО. ОБВИНИТЕЛСТВОТО ГИ ПРЕЗЕМА СИТЕ ДЕЈСТВИЈА ЗА УТВРДУВАЊЕ НА ЕВЕНТУАЛНА КРИВИЧНА ОДГОВОРНОСТ“, СООПШТИ ЈАВНОТО ОБВИНИТЕЛСТВО НА РЕПУБЛИКА СЕВЕРНА МАКЕДОНИЈА
Од Министерството за труд и социјална политика велат дека ќе побараат случајот детално да се испита дека досега за нив немало пријави за родителска негрижа или злоупотреба.
„МИНИСТЕРСТВОТО ЗА ТРУД И СОЦИЈАЛНА ПОЛИТИКА ПОБАРА ОД ЦЕНТАРОТ ДЕТАЛНО ДА ГО ИСПИТА СЛУЧАЈОТ ВО ВРСКА СО СЕМЕЈСТВОТО И СОСТОЈБАТА НА ДЕЦАТА, ПО ШТО ЌЕ БИДАТ ПРЕЗЕМЕНИ СООДВЕТНИ МЕРКИ ВО ИНТЕРЕС НА ДЕЦАТА“, СООПШТИ МИНИСТЕРСТВОТО ЗА ТРУД И СОЦИЈАЛНА ПОЛИТИКА.