Мицкоски: Земјава е во ситуација кога се бира помеѓу асимилација или интеграција

Опозициската ВМРО-ДПМНЕ денес повторно излезе на протест против политиките на власта во однос на отворените прашања со соседна Бугарија. Се протестираше паралелно на две локации – пред Владата и пред зградата на Министерството за надворешни работи, а од собирот беше испратено барање за оставка од страна на премиерот Зоран Заев. Македонскиот идентитет и јазик се погазени во преговорите, смета лидерот на партијата Мицкоски, а земјава е во ситуација кога се бира помеѓу асимилација или интеграција кажа тој во изјавата. Најави дека ќе се протестира и утре.