За вториот финалист на Западната конференција ќе решава мајсторка.Денвер успеа да избори 7. меч во серијата со Клиперс, со триумф од 111-98.Слично како и на претходниот натпревар,екипата од Лос Анџелес имаше комотна предност.Клиперс стигнаа до +19 поени на почетокот од второто полувреме,но Нагетс предводен од Никола Јокиќ покажаа дека елиминацијата на Јута во претходниот круг од плеј-оффот по негативата зад Џезерите од 1-3, не е случајност.Центарот на Денвер постигна 34 поени на кои додаде 14 скокови и 7 асистенции.Во извонредното второ полувреме се вклопи и Џамал Мареј кој заврши со 21 кош.Пол Џорџ беше најефикасен кај Клиперс со 33 поени,Ленард заврши со 25.Решавачкиот седми меч ќе се игра во среда наутро,кога почнува и финалната серија на Истокот помеѓу Бостон и Мајами.Претходно,Лејкерс со убедливи 4-1 против Хјустон станаа први финалисти на Западот.
