Од почетокот на подготовките за старт на новата сезона во НФЛ лигата забележани се 56 позитивни резултати на Ковид 19.
Тренинг камповите се отворени од 28 јули и според протоколот договорен пред почетокот на подготовките задолжително е тестирањето на неколку дена и до овој момент резултатите се загрижувачки.
Според договорот во раните утрински часови истекуваше рокот за пријавување на играчите кои поради грижата за своето здравје не сакаат да настапат за своите тимови во шампионатот кој почнува на 10 септември.
До овој момент пријавени се 60 фудбалери и тие наместо платата во договорот ќе добијат еднократна помош во износ од 150.000 долари додека играчите кои мора да се откажат поради проблеми со хронични болести како што се астма или дијабетес тип 2 ќе добијат сума од 350.000 долари.
