Австралискиот Федерален суд денеска соопшти дека ја одбил жалбата на тениската супер ѕвезда Новак Ѓоковиќ за укинувањето на визата бидејќи министерот оценил дека Ѓоковиќ, кој не бил вакциниран против коронавирус, може да претставува ризик за австралиската заедница.
Суд го отфрли тврдењето на адвокатите на тенисерот дека нема докази дека Ѓоковиќ некогаш повикал некого да не се вакцинира.
Во меѓувреме, медиумите објавуваат дека тенисерот Новак Ѓоковиќ купил 80 отсто од данска био- технолошка компанија, која што развива медицински третмани против Ковид-19. Компанијата вработува 11 истражувачи кои работат во Данска, Австралија и Словенија и работи на развивање пептид, што спречува коронавирусот да зарази човечка клетка.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.