Најдобриот тим во НБА-лигата Бостон немаше проблеми да слави против Детроит и тоа на гостински терен со 129-102. За Селтикс тоа беше осма победа по ред, најдобар беше Џејлен Браун со 33 поени, додека Џејсон Тејтум не беше во составот.
Лос Анџелес лејкерс ја победи Филаделфија со 101-94 во натпревар во кој сите од првата петорка имаа двоцифрен ефект во нападот. Најдобар беше Ентони Дејвис со 23 поени и 19 скока, додека Леброн Џејмс постигна 20. Дианџело Расел постигна четири тројки и со тоа го сруши рекордот за најмногу тројки во една сезона во историјата на Лејкерс со 185.
Оклахома со победата од 103-123 кај Торонто го запиша четвртиот триумф во низа и се врати на првото место на Западната конференција. Минесота беше подобра од Кливленд со 104-91, Голден Стејт пред своите гледачи загуби од Индијана со 111-123, а победи остварија и ЛА Клиперс, Мемфис и Њу Орлеанс.