Во петокот околу 16 часот од Националниот координатор за авторизација, преку механизмот за суспендирање на плаќања, е донесена одлука за суспендирање на ИПАРД 3 програма, односно одлука за суспендирање на плаќањата во ИПАРД 3, изјави Љупчо Николовски од СДСМ на денешната прес-конференција.
„Одлуката стапила на сила веднаш, на неопределно време, се до исполнување на одредени услови и акциски планови. Оваа суспензија опфаќа целосен прекин на исплатите кон земјоделците и компаниите кои што веќе имаат склучени договори и веќе реализираат инвестиции од оваа програма, потпишување на нови договори и преземање на финансиски обврски од Платежната агенција, како и објавувањето на нови јавни повици. Сето ова е под суспензија“, истакна Николовски.
Како причина го наведе скандалот со барање и примање на мито од директорот на Платежната агенција и уште четири други лица, меѓу кои и блиска соработничка на министерот за земјоделство. Одлуката, како што рече, е дистрибуирана до македонските власти и, според него, претставува „директна последица на голем корупциски скандал и тотален колапс на системот кој беше граден седум години со Европската комисија имногу наши професионалци“.
„Ова, за жал, се случува само во владеењето на ВМРО-ДПМНЕ. Во 2011 година во ИПАРД 1, кога останавме со 12 проценти искористеност на европските средства и денеска во 2025 година, во ИПАРД 3, повторно во време на ВМРО-ДПМНЕ. За одлуката, според нашите информации, е извесета владартам вицепремиерот за европски прашања, министерката за финансии и министерот за земјоделаство. Зошто владата ја криеше оваа одлука од јавноста викендот, дали власта со премолчување на одлуката се обидува да ги заштити вмешаните во овој корупциски скандал“, прашува Николовски.
С.Д.