Само 24 часа откако најави дека нема намера да го менува календарот и на Русија да и одземе организации на меѓународни натпреварувања, Светската одбојкарска федерација го смени мислењето.
Според последните одлуки ФИВБ реши да ја одземе организацијата на Русија на два турнири во Лигата нации во машка и женска конкуренција кои требаше да се одржат во јуни и јули.
Сепак федерацијата се уште нема да донесе одлука за одземање на Светското првенство во машка конкуренција кое е на програмата во втората половина на оваа година во периодот од 26 август до 11 септември.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.