Ливерпул со загуба од 4,8 милиони фунти

Ливерпул го објави финансискиот извештај за минатата сезона според кој клубот од Енфилд бележи загуба од 4,8 милиони фунти.

Во извештајот се потенцира дека и во минатата сезона се бележат намалени приходи, а како главна причина се наведува пандемијата и строгите рестриктивни мерки поради кои беше намален приливот на средства од продадени влезници.

Сепак во клубот се задоволни од финансиските резултати бидејќи 12 месеци претходно вкупната загуба изнесуваше 41 милион. Најголемите приходи се бележат од телевизиските права и спонзорските договори, а сумата по овие ставки достигна скоро половина милијарда фунти.