Американецот Сеп Кус триумфираше на 15.етапа на „Тур де Франс“, додека лидерот во генералниот пласман Тадеј Погачар го зголеми водството на првото место.
Кус се оддели од главната група велосипедисти на некаде 19 километри до крајот на етапата и мина низ целта со време од пет часа, 12 минути и шест секунди со што ја запиша својата прва победа во кариерата на трката околу Франција.
Втор низ целта на етапата, што се возеше од Сере до Андора ла Вела од 191 километар, мина Шпанецот Алехандро Валверде, додека трет беше Вут Поелс од Холандија.
Словенецот Тадеј Погачар ја задржа жолтата маичка и дури ја зголеми предноста во генералниот поред пред Колумбиецот Ригоберто Уран на пет минути и 18 секунди.
Утре велосипедистите имаат ден пауза, па „Тур де Франс“ продолжува во вторник со 16.етапа од Ел пас де ла Каса до Сен Годенс во должина од 169 километри.