УЕФА покрена дисциплинска постапка против Фудбалската федерација на Македонија поради кршење на ковид-протоколот на 19 јуни пред натпреварот со Холандија во Амстердам, кој се одигра на 21 јуни.
Европската куќа на фудбалот назначила специјален инспектор за етика и дисциплина за да го истражи случајот во македонската репрезентација и прекршување на членот 31/4 од дисциплиснкиот правилник на Европското првенство.
Според соопштението на УЕФА, се работи за непрофесионално однесување и прекршување на протоколот од страна на фудбалерите на македонската репрезентација при тестирањето за Ковид-19 на 19 јуни во Амстердам.
Наскоро треба да биде соопштена и одлуката на инспекторот, односно дали навистина имало прекршување на протоколот. Постапката не е против еден фудбалер или индивидуалци, туку против ФФМ, која на крајот би можела да се соочи со парична или друг вид на казна.
