Француската тенисерка Ализе Корне обезбеди пласман во четврт-финалето на Австралија опен откако славеше во мечот против поранешниот светски рекет број 1, Симона Халеп.
Корне никогаш во својата кариера во Мелбурн не успеала да се пласира подалеку од третото коло, а сега е во позиција да се бори за трофејот на првиот Гренд слем во сезоната.
Французинката за влез меѓу четирите најдобри ќе се соочи со Даниел Колинс која во три сета славеше над Елиз Мертенс.
Место во четврт-финалето обезбеди и Ига Свјонтек која беше поуспешна од Романката, Сорана Кристеа.
Кај мажите Феликс Оже Алиасим славеше во дуелот против Марин Чилиќ. Вториот фаворит Данил Медведев во четири сета го совлада Максим Креси додека Италијанецот, Јаник Синер триумфираше над домашниот тенисер Алекс Де Минаур.