„Мене ова ми личеше на спектакуларен карневал или најлоша дефиниција за политиката: Таа креира проблем, за потоа да го решава“, оцени Димески, нагласувајќи дека јавноста и по две години не дознала кој е виновен за наталоженото ѓубре и каде е реалниот причинител на колапсот.
Тој праша како е возможно системот за управување со отпад одеднаш да функционира „совршено“, по долготрајни проблеми. „Дали тоа е природата на власта која може да се коцка со вакви работи?“ – додаде Димески, алудирајќи на политичката одговорност и можните манипулации со кризата.
Посебно го критикуваше ангажирањето на пожарникари во акцијата за 72-часовно чистење, каде тие со шмркови го миеле плоштадот, иако недостигаат кадри во службата.
„Ние ги праќаме тие луѓе на сè што ќе се случи во градот – од пожари, не дај боже земјотреси. Ги имаме недоволно, и сега ги пуштаме да мијат улици наместо да одмараат. Тоа за мене е злоупотреба“, изјави Димески.
Т.Д.