Топлата вода во Банско создава услови за садење зеленчук во нестандардни периоди за раноградинарското производство. Градинарите од овој период веќе произведуваат пролетна зелка, а насаден е и пиперот што ќе се бере во јануари. Ристо ВЕлков вели дека потенцијалот на топлата вода може да донесе нов прогрес во струмичкиот и македонскиот аграр.
Велков вели дека годината што изминува била успешна за градинарите. Производството било солидно, а цените задоволителни. Иако храната беше прилично скапа за просечниот граѓанин, земјоделците имаа успешна сезона.
Според агроекспертите доколку овој тренд на стабилен откуп и цени се задржи неколку години, има надеж и за нови земјоделски производители, но и посериозни вложувања од младите кои во моментов со земјоделство се занимаваат повремено или како дополнителна, а не и примарна дејност.
Сузана Мицева
