Со победата во три сета над Данил Медведев, Григор Димитров му овозможи на Новак Ѓоковиќ и следната недела да се задржи на првото место на АТП листата. Бугарскиот тенисер успеа да се пласира во четврт-финалето откако успеа да го елиминира првиот фаворит на турнирот во Индијан Велс со 4:6, 6:4 и 6:3. Димитров ја прекина низата од 18 последователни победи на Медведев на тлото на Северна Америка, а до триумфот дојде откако беше пред елиминација бидејќи во еден момент Русинот водеше со 6:4 и 4:1.
Стефанос Циципас во три сета го елиминираше Алекс де Минаур, а третиот фаворит Александер Зверев беше поуспешен од Гаел Монфис. Турнирот во Индијан Велс заврши за шестиот фаворит Каспер Руд по поразот од Диего Шварцман додека Хуберт Хуркач беше поуспешен од Аслан Карацев.
Место меѓу осумте најдобри на турнирот обезбедија уште Тејлор Фриц, Камерон Нори и Николоз Балашвили.