Првата носителка на Ролан Гарос, Симона Халеп се пласираше во следната фаза по победата над Сорибес Тормо од Шпанија. Кај мажите предмалку Џон Изнер славеше во дуелот против Французинот, Елиот Бенхентрит.
Уште на стартот од Отвореното тениско првенство на Франција се случи големо изненадување. Дветнаесет годишниот Италијанец, Јаник Синер во три сета со 7:5, 6:0 и 6:3 го елиминираше 11-от носител на турнирот Давид Гофан.
Себастјан Корда со 3:1 славеше во дуелот против Андреас Сепи додека домашниот тенисер Бенжаман Бонзи славеше во соочувањето со Емил Русовуори од Финска.
Кај дамите десеттата фаворитка Викторија Азаренка со 2:0 по сетови 6:1 и 6:2 триумфираше над Данка Ковиниќ од Црна Гора, Елис Мертенс во два сета ја елиминираше Маргарита Гаспаријан, Марија Сакари беше поуспешна од Ајла Томљановиќ, а Каја Канепи забележа победа во дуелот со Мари Бузкова.
Пласман во следната рунда обезбедија уште Русинките, Камила Рахимова и Екатерина Александрова.