Најново засилување за Металург за идната сезона е босанскиот репрезентативец Марко тарабокија.
Искусниот 31-годишник треба да биде засилување на позицијата централен бек и ќе ја има улогата на главен креатор на играта на „металурзите“.
Тарабокија ја започна кариерата во Загреб, а потоа играше за Марибор и Азоти Пулави во Полска. Од 2015 до 2019 играше за Висла Плок за кого настапуваше и во Лигата на шампиони. Негови последни два клуба беа Сесвете и Чургој од Унгарија.
Металург летово донесе неколку квалитетни и искусни странски засилувања како Златко Хорват, Момир Рниќ, Бранко Канкараш и Никола Потиќ.