Најдобриот светски тенисер Новак Ѓоковиќ ќе го пропушти првото сезонско натпреварување во 2022 година.
Ѓоковиќ одлучил да не патува за Сиднеј, Австралија, каде на 1 јануари почнува АТП Купот. Србинот нема да игра за својата репрезентација, која се наоѓа во група заедно со Норвешка, Чиле и Шпанија. Засега не е јасно дали првиот светски рекет ќе настапи на Австралија опен што се одржува во Мелбурн. Во државата Викторија има далеку построги мерки за заштита од Ковид-19 и можат да настапат само тенисери и тенисерки кои се вакцинирани со две дози против вирусот.
Ѓоковиќ засега јавно изјави дека е против задолжително вакцинирање, но не сакаше да открие дали тој е вакциниран.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.