Светските берзи се под притисок по објавувањето на драстични увозни царини на американскиот претседател Доналд Трамп. Американските власти проценуваат дека со новите царини САД би можеле да соберат 300 до 600 милијарди долари годишно од царините.
Но, повеќето американски земјоделци ќе имаат загуби на најголемиот извозен пазар за многу од нивните култури откако Кина возврати на тарифите на Трамп. Производителите на соја се загрижени затоа што голем процент од нивното приизводство се откупува од Кина. Американските фармери и сточари ќе го изгубат уделот на пазарот бидејќи Кина сега се насочува кон Бразил и другите земји за да купи соја, говедско месо, пилешко и други производи.
Има и пад на цените на земјоделските култури. Цените не се доволно високи за земјоделците да си ги покријат зголемените трошоци. Се плашат дека новите царини би можеле да ги остават без бизнис.
,,Повеќе сум загрижен што ке се случи со другите работи што ке треба да ги купуваме во текот на годината, без разлика дали се работи за опрема, хемикалии во иднина, цени на ѓубрива, и како тоа ќе влијае на работите понатаму.’’ – истакна Брајант Кагај, сопственик на фарма.
Трамп тврди дека царините ке ги заштитат американските индустрии од нелојална странска конкуренција и дека ке се соберат пари за федералната влада. Економистите пак предупредуваат на слаб економски раст и зголемена нееднаквост. Особено семејствата со ниски примања, кои дефинитивно ке го почусвуваат растот на цените на основните потреби како храната и електричната енергија.
„Трамп рече дека сака да го обнови американското производство, но бидејќи тарифите се толку неизвесни, малку е веројатно дека многу компании ќе вложуваат впо неопходни инвестиции во нови фабрики или објекти, доколку не се сигурни дека ќе имаат поврат на инвестицијата“ – вели Кора Луис.
,, Претседателот Трамп го претстави најновиот пакет на тарифи, кои влијаат на десетици земји и достигнуваат до 50%. Но каде прво ќе ги почуствувате ефектите? Експертите велат тоа ке важи за кафето и шеќерот. Многу од таргетираните земји произведуваат облека и текстил , така што би можело да има зголемување на трошоците за 17 %. – изјави Луис од Асошиејтед прес.
Се очекува и раст на цената кафето од Бразил што се продава во Америка. Бразил е најголемиот светски извозник на кафе но воедно и најголемиот снабдувач на кафе во САД со 32% од пазарот.
„На цената на кафето нема да влијае, бидејќи ја одредува меѓународниот пазар, врз основа на понудата и побарувачката. Сепак, она што ќе се случи е дека американските потрошувачи и индустрии таму, кои купуваат кафе за преработка или пакување и продажба, ќе треба да платат дополнителна тарифа од 10 отсто.’’ – истакна Хозе Карлос Хаускнехт, производител на кафе.
Овој данок би можело да се смета и како добра можност за Бразил бидејки во споредба со другите земји доби минимална тарифа. За споредба, Виетнам, кој е втор најголем извозник на кафе во светот, има царини од 46%.
Марија Коцева