Со црвени чадори и традиционален марш на меѓународниот ден за стоп на насилството сексуалните работнички излегоа да ги бараат своите права.
Маршот тргна од пред Спомен куќата на Мајка Тереза на улица „Македонија“ кон плоштадот „Филип II“
Црвениот чадор е симбол на отпор на насилството врз сексуалните работнички и борбата за нивните човекови права.
Чадорот ја симболизира заштитата на злоупотреба од страна на клиенти и полиција.
само во последните две години имаме документирано 34 случаи на прекршување на нашите права, од кои 20 се за семејно насилство, а 4 случаи на насилство од омраза.-вели сексуална работничка.
Сексуалните работнички ги бараат и нивните работнички, социјални и здравствени права. Апелираат до институциите да ги слушнат нивните права и да им помогнат во борбата.
Со текот на годините научивме дека нашата борба треба да ја водиме исправено и горди, да бидеме јасни и видчливи.Затоа денес храбро, силно и гласно го одбележуваме овој важен јубилеј и сите наши успеси кои не мотивираат да бидеме истрајни во борбата против насилството.-додаде сексуалната работничка.
Тие велат дека пред 15 години биле застапувани од трети лица, но денес веќе народот сам ги препознава благодарение на традиционалниот марш.
Исто така, велат дека достоинствено ќе продолжат да маршираат низ Скопје секоја година, заедно со голем број сојузници, активисти и поддржувачи со стремеж да продолжат да ги бараат своите права.
Тамара Марковска