Обвинителството предлага притвор за осомничен за предизвикување општа опасност со пожар. Тој на 2 мај во утринските часови, во викенд – куќа во селото Катланово и во стан во зграда во Скопје, кои се во сопственост на неговата сопруга со која биле разделени, со пожар предизвикал значителна опасност за животот на луѓето.
Претходно телефонски и се заканувал на сопругата со која води бракоразводна постапка и на критичниот ден со бензин предизвикал пожар на викенд-куќата. Потоа се упатил кон Скопје и на сличен начин предизвикал пожар пред влезната врата на станот.
Откако ги сторил делата повторно и се јавил на жената и ја известил дека ги запалил двата објекти. Таа јавила на соседи во зградата кои почнале веднаш да го гасат и спречиле пожарот да се прошири кон другите станови од зградата.
Поради тоа што постои реална опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор. Станува збор за со зетот на сестра на покојниот водител Зоран Василевски, а во куќата живееле нејзините деца, кои не биле таму за време на пожарот.