Во текот на празничните денови, полициски службеници од сите сектори за внатрешни работи издале вкупно 2.252 платни налози за сторени прекршоци од учесници во сообраќајот, претежно по однос на Законот за безбедност на сообраќајот на патиштата.
Притоа, заради брзо возење, евидентирани се 1.018 прекршоци. Дури 254 учесници во сообраќајот управувале возило без возачка дозвола. Шеесет и шест возачи се отстранети од сообраќај, заради возење под дејство на алкохол, а изречена е 21 санкција за минување на црвен семафор.
По однос, пак, на Законот за возила, од сообраќај се отстранети 60 возила од кои 13 заради техничка неисправност, а 47 заради неважечка сообраќајна дозвола.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.