Светската здравствена организација (СЗО) објави дека 799.712 нови случаи на коронавирус се потврдени во светот минатиот ден и дека вкупниот број случаи од почетокот на пандемијата надмина 87,58 милиони.
Според СЗО, повеќе од 15.400 луѓе починале од вирусот во изминатите 24 часа, а вкупно над 1,9 милиони луѓе починале од почетокот на пандемијата.
Најмногу заразени – повеќе од 55 проценти се во Северна и Јужна Америка, а потоа во Европа и Африка.
Велика Британија е петта земја во светот со повеќе од три милиони заразени.
Речиси 60.000 нови случаи на Ковид-19 беа пријавени вчера во Велика Британија, со што вкупниот број заразени во земјата достигна над три милиони. Повеќе од 50.000 нови случаи се регистрирани во Велика Британија дванаесетти ден по ред, вклучително и рекордните 68.000 регистрирани на 8 јануари. Вкупно 80.868 лица починаа од почетокот на пандемијата во Велика Британија.
Вакцинацијата започна на 8 декември, а досега повеќе од 1,5 милиони луѓе ја примиле првата доза на вакцината.