Партиите Алијанса за Албанците и Алтернатива, кои заедно настапуваат во изборната кампања, како што рекоа, имаат за цел да победат во албанскиот блок и да го сменат, 17 години долгиот еднопартиски систем меѓу Албанците. Во кампањата , која почнува од утре вечер во Тетово, а ќре заврши на 11 јули, со митинг во Скопје, ќе настапат со реална програма што ќе се оствари во следните 4 години.
Програмата , која денеска ја претстави шефот на изборниот штаб на Алијанса за Албанците, Таравари , е базирани на предлози од 2000 граѓани. Таа од утре вечер, во Тетово, до 11 јули во Скопје, ќе биде претставена уште во 5 градови, со доминантно албанско население. Целта е со оваа реална програма што ќе се оствари во следниве 4 години Алијанса за албанците и Алтернатива, кои заедно одат на избори , да се победи еднопартискиот систем во албанскиот блок, кој траеше 17 години. Програмата е базирана на 6 столба, а е насловена „ Држава за сите“.
- Првиот е рамниоправност за сите, вториот столб е правна држава, третиот е да го задржиме дома човечкиот капитал, да ги задржиме младите да не мигрираат, потоа рамноправен економски и територијален развој, развој на државата и дигитализација и интегрирана држава во регионот, Европа и во светот, рече Таравари.
Алијанса и Алтернатива не се задоволни од третманот на почетокот на кампањата. Сметаат дека имале повеќе пратеници во Собранието во минатото, а сега ги сметаат за мали партии.
Се пожалија и дека не им е доволно времето за претставување во медиумите зашто добиле само 30 до 60 секунти.
Сотир Трајков