Црн чад се издигна синоќа од оџакот на Сикстинската капела во Ватикан, означувајќи дека првото гласање на кардиналите во конклавата заврши без избор на нов поглавар на Римокатоличката црква.
Илјадници верници на плоштадот „Свети Петар“ со нетрпение го чекаа сигналот по ден исполнет со церемонии и молитви.
Избор во првото гласање не беше очекуван, бидејќи тоа ретко се случува во поновата историја.
Кардиналите-избирачи ќе продолжат со два круга гласања денеска, утринско и попладневно, сè додека некој кандидат не добие двотретинско мнозинство, односно најмалку 89 гласови.
Конклавата се одржува по смртта на папата Франциск минатиот месец, а надежите се дека новиот папа ќе биде избран до крајот на неделата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.