Од оџакот на Сикстинската капела вечерва излезе црн чад, што значи дека по првиот круг на гласање на конклавата не е избран нов Папа. Гласањето за наследник на папата Франциск продолжува утре и така ќе биде сè додека еден од кандидатите не добие двотретинско мнозинство за поглавар на Римокатоличката црква.
Сто и 33 кардинали попладнево положија заклетва и затворија во Сикстинската капела, без комуникација со надворешниот свет до изборот на Папа. По денешното гласање тие ќе се вратат во резиденцијата Санта Марија, каде ќе останат изолирани до утре и новата рунда на гласање.
Кардиналите се собраа во Ватикан во базиликата Свети Петар на последна миса пред почетокот на конклавата за избор на нов папа. 91-годишниот Џовани Батиста Ре, претседавач на советот на кардинали, кој го предводеше погребот на папата франциск пред две недели, ги потсети сто 33-цата кардинали-избирачи на сериозноста на нивната задача. Папата Франциск почина на 21-ви април од мозочен удар.