Министерот за правда се надева дека Социјалдемократите ќе се преиспитаат и ќе номинираат нови имиња за работната група што ќе работи на реформи за правосудството, според договорот на тет-а -тет средбата Мицкоски со Филипче.
Предлогот, во работата да учествуваат потпретседателката Ана Чупеска и Ана Михајлова Стратилати, за него не е добар и нема да донесе добри решенија. Причината е што и двете беа дел од групата која во 2023 година ги правеше уставните измени.
Во работната група за енергетика, од СДСМ ги предлагаат Виктор Андонов, Славе Ивановски и Симон Узунов.
Согласно договорот, нивни експерти треба да се приклучат кон веќе постоечките работни групи за реформската агенда во повеќе сектори, но како приоритетни е договорено да бидат правосудството и енергетиката.
Соработка треба да имаат и за реформската агенда од Планот за раст во која, во првата група се и закони од областа на здравството, културата и дигитализацијата.
Од владата само потврдија дека се стигнати предлозите и дека ќе ги проследат до надлежните министерства, од каде очекуваат да се воспостави и продолжи идната комуникација и соработка.
Далиборка Демјанска Цветановска