Водата во Крива Река загадена, загадувач – нема!? Кој ги контролира еко- инцидентите од работењето на Тораница – инспекторатот или менаџментот? Затаи ли Инспекторатот за животна средина?
Во Топ Тема вечерва дебата со: Каја Шукова, поранешна министерка за животна средина, Ивана Дракулевска – Зелен Хуман Град и Тони Тоневски – директор на “Булмак 2016”.
Поранешната министерка за животна средина Каја Шукова образложи дека анализите на лабораторијата „Технолаб“ покажуваат дека Крива Река била загадена за 14 пати од дозволеното што ја става во петта категорија односно на неупотреблива вода.
Ивана Дракулевска од граѓанската иницијатива Зелен Хуман Град потенцираше дека нема доволно транспарентност од Државниот инспекторат кој ја има и блокирано иницијативата на социјалната мрежа „Фејсбук“. Директорот Тоневски објасни дека настанал технички проблем и дека информациите од инпескторските увиди и неделните анализи кои по закон фирмата „Булмак“ е обврзана да ги прави, ќе се потруди да ги објави наредната недела на нивната веб-страната.