Израел го користи гладувањето во Газа како оружје во војната со Хамас, обвини Жосеп Борел. Високиот комесар за надворешна политика и безбедност на Европската Унија (ЕУ) ги критикуваше властите во Тел Авив дека ги блокираат копнените рути за испорака на хуманитарна помош која им е повеќе од потребна на стотици илјади Палестинци.
Светската програма за храна за првпат од 20 февруари испорача хуманитарна помош на северот на Газа. Шест камиони со основни продукти влегоа во Појасот по деталната проверка на израелски граничен премин. Претходно САД, Јордан, Катар и Египет организираа испорака на храна по воздушен пат.
Во обраќањето пред Советот за безбедност на Обединетите Нации, Борел нагласи оти ЕУ чека резултати од три истраги на израелските служби, по обвинувањата дека 12 вработени ви Агенцијата на ЕУ за палестински бегалци учествувале во нападите на Хамас на 7 октомври. Притоа порача дека единствениот начин за затворање на агенцијата е бегалците да станат граѓани на палестинска држава која ќе коегзистира со израелската.
Сашко Димовски