Во Топ Тема дебата со Билјана Георгиевска извршна директорка на СЕММ, Зоран Трајчевски директор на АВМУ, Драган Секуловски извршен директор на ЗНМ и Перо Момировски проект координатор во ССНМ за состојбите во јавниот сервис и влијанието на политиката врз работата на новинарите.
„Претходната влада „ќе биде сменет директорот“ е тоа го разбираше како реформа на јавниот сервис“, истакна во Топ Тема Зоран Трајчевски и дополни дека не биле префрлани средствата во целост туку само 30-40%.
Според него првпат пари биле исплатени минатата година со промената на власта и се исплаќало според законот, а не како во периодот од 2017-2024 со скратен буџет.
Драган Секуловски извршен директор на ЗНМ истакна сепак во тој период новинарите чувствувале дека можат да бидат малку повеќе критични. Тој предложи не само за јавниот сервис туку и за приватните медиуми да се воведе подобро развиена дописничка мрежа.
Перо Момировски проект координатор во ССНМ, кажа дека се потреби од технички промени до персонални решенија, бидејќи јавниот сервис може да биде многу подобар.
„Новинарите се заложници на политичарите“, децидна беше Билјана Георгиевска извршна директорка на СЕММ, која рече дека по спроведената директна дебата со новинари и уредници од националниот сервис во одредени редакции уредници учествувале на избори како кандидати па, откако не биле избрани се вратиле на своето уредничко место.