Нема компромис за здравјето на граѓаните, вели министерот за животна средина Изет Меџити за истрагата на Обвинителството околу пропустите при депонирање на пепелта во РЕК Битола. Откако Обвинителството ќе ги направат сите проверки дали се запазени прописите за заштита на животната средина при одлагање на пепелта во РЕК Битола, дали било предизвикано загадување и дали било загрозено здравјето на граѓаните, ќе донесе одлука како понатаму ќе постапува за овој предмет. Меџити вели, никој нема да биде над законот.
„Битна е животната средина, битно е здравјето на граѓаните и нема компромис околу ова. Во однос на ова ќе има сериозен пристап и од инспекторатот и од Министерството. Пораката е никој не е над законот“, рече Изет Меџити, министер за животна средина.
Од РЕК вчера соопштија дека по налог на инспекторатот веќе ја остраниле непокриената пепел, а од 25 април ќе почне да се одлага според прописите.
Оваа појава кога ветрот ја разнесува токсичната пепел низ Пелагонија, се повторува години наназад, затоа што наместо да се одлага во касети и да се покрива со земја, огромни колични се остават на отворено.
Пред 7 години ОЈО Битола поднесе обвинение против поранешен генерален директор во РЕК Битола за загадување на животната средина, затоа што во март 2017 на депонија имало огромни колиини непокриена пепел, а директорот ги игнорирал барањата на вработените да се обезбеди потребната механизација за прописно одлагање. Но, со правосилна пресуда лани во април, тој е ослободен од вина, што уште еднаш го отвори прашањето, дали еколошката правда е достапна за граѓаните во Македонија.
Емилија Мисирлиевски