Истрагата за трагедијата во дискотеката „Пулс“ во Кочани ќе биде голем тест за институцииуте, посебно за обвинителството, согласно новиот Закон за кривична постапка кој веќе подолго време се применува, вели адвокатот Александар Новакоски во вечерашната „Топ тема“ на ТВ Телма.
„Истрагата целосно ја води обвинителството. Видовме дека во местата, во градовите, рак рана е недостатокот на кадар и затоа сега мора да се интервенира и од Скопје со обвинители кои се со решенија,најверојатно, од државниот обвинител. Тоа дава една слика за состојбата во нашето обвинителство, бицејќи во многу мали места, обвинителите се со мал број, како и судиите. Се доведува во прашање и кој ќе го суди овој предмет и каде ќе се суди со вака огромен бројна осомничени“, смета Новакоски.