Земјотрес со јачина од 5,1 степени според Рихтеровата скала утрово го погоди Мјанмар.
Епицентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 35 километри под површината на земјата.
Засега нема извештаи за материјална штета или повредени, а надлежните служби ја следат состојбата.
Бројот на загинати во земјотресот од 7,7 степени што го погоди Мјанмар во петокот надмина 1.000, додека повеќе од 2.376 лица се повредени, објави армијата.
Уште 30 лица се водат како исчезнати, а спасувачките операции се во тек.
Земјотресот го погоди Мјанмар вчера околу 12:50 часот по локално време, а епицентарот се наоѓал на околу 16 километри од Мандалеј, вториот по големина град во земјата.
Земјотресот во Мјанмар ослободи енергија еднаква на 334 атомски бомби