Собранието со појаснување во врска со реакциите за неодамнешната одлука за одложување на активностите на Собранието минатата и оваа недела, велат- пратениците работеа и продолжуваат да работат.
„Откажани се пленарните седници, комисиите и неколку други настани за кои е потребно присуство на медиумите. Оваа одлука е донесена консензуално со сите координатори на пратеничките групи, на координативната средба, во знак на солидарност по трагедијата во Кочани и за изразување почит кон жртвите“, се вели во соопштението.
Од таму допонуваат дека сепак, работата на Собранието и пратениците продолжува во други вообичаени форми, вклучително и координација меѓу пратениците и пратеничките групи, ангажирање во подготовката и разгледувањето на предлог законите, како и состаноци на различни нивоа.
Од Собранието додаваат дека пратениците се активни и посветени на законодавните процеси.