Политичкиот аналитичар Ибрахим Мехмети ги отфрли обвинувањата на опозициските партии за некоректноста на пописот. Во вечерашната Топ Тема на Телма, Мехмети рече дека добил впечаток оти ни самите тие не веруваат во аргументите кои ги изнесуваат.
Да се оспори процесот мислам дека е некоректно, ако имаме в предвид дека беше презентирано дека методологијата беше оценета како кредибилна по меѓународните стандарди. Ако сакаме да бидеме вистинска држава треба малку да ги спуштиме овие топки затоа што ова создава сомнеж и после се чудиме зошто кај граѓаните има недоверба, особено за вакви етнички чувствителни прашања, рече Мехмети.
Додаде дека покрај политичките прашања, од резултатите од пописот треба да се фокусираме на неколку други прашања, меѓу кои зошто населението толку се намалува и зошто населението старее.
За тоа можеме да зборуваме како јавност, но да кажеме дека не бил исправен, не бил коректен, тогаш за тоа треба да има основа, и мислам дека тоа е повеќе политизирање кое им користи само на политичките партии за собирање политички поени, оцени Мехмети.