Извештајот, првичен форензички на МВР, не ја затвори истрагата за причините за пожарот и кривичната одговорност за тетовската трагедија и 14 починати пациенти, ама го затвори досието за политичко-моралната одговорност на министерот Филипче и заменик министерот Хасани. Заев не ги прифати нивните оставки.
Премиерот без прецизно објаснување, што треба да има во првичниот извештај за да го убеди во спротивното за да ја прифати понудената оставка на политичките раководители во секторот здравство. Заев вели дека институциите ќе откријат има ли лична одговорност на други лица.
Претходно во изјава за Телма, првиот вицепремиер Артан Груби потенцираше дека по објавениот извештај неговиот став е дека нема место за морална и политичка одговорност за министерот и заменик министерот. За Груби пак оставките кои се уште не се стигнати во здравство, оние на директорите на тетовската болница Флорим Бесими и Артан Етеми -се неотповикливи.
И двајцата упатија сочувство до жртвите, а Заев најави дека сега ќе се работи на подобрување на условите во модуларните болници за да се спречат слични инциденти. Првичните форензички наоди ги објави тетовското обвинителство 27 дена по кобниот и грозен пожар во кој загинаа 12 болни од Ковид и двајца посетители.
Миомир Серафиновиќ