Се распределуваат 10-те илјади Фајзер вакцини по здравствените домови. Земјава има направено нарачки на над 2 милиони вакцини, , доколку за тоа се укаже потреба, вакцини ќе може да се набават од Институтот за вирологија, вакцини и серуми „Торлак“ од Србија. Пунктовите се подготвени но дали ќе се вакцинира за време на претстојните празници е неизвесно. Националиот кооридантивен штаб навремено ќе информира дали ќе има вакцинација во време на празниците, се вели во дописот.
Ние ги чекаме насоките на министерството, ние сме подготвени и како ќе дава насоки Министерството за здравство така активно ќе се вклучиме и сега сме вклучени во процесот на имунизација. Вие знаете дека работевме и за време на викендите, се надевам и за време на празниците за оние кои доаќаат за ревакцина ќе бидат ревакцинирани точно на време и во трите поликлиники пунктовите работат, изјави директорот на здравствен дом скопје, д-р виктор исјановски.
Со подготовки на теренот за поставување и опремување на спортската сала на средното медицинско училиште „Д-р Јован Калаузи“ Битола се подготвува да биде регионален центар за масовно вакцинирање. Се очекува деновиве да започне со функционирање, по конструкција на параваните и набавката на компјутерска техника .
Кога ќе започне имунизацијата не зависи само од нас, зависи и од тоа како ќе биде организиран медицинскиот персонал, но многу масовно ќе ја имаме имунизацијата и во нашиот регион. До сега имунизацијата ја вршеше само здравствениот дом во Битола каде се имунизираа над 1000 граѓани, вели градоначалничката петровска.
Забележителен е падот на новозаразени, вели Петровска, се намалува притисокот во болницата.
Во тек е подготовка на спортската сала Билјанини Извори во Охрид каде наскоро ќе започне масовна имунизација на жителите од овој регион. Во салата се подготвуваат 28 вакцинални пунктови, на кои дневно е во план да се вакцинираат над 1500 граѓани.
Во одредени пунктови граѓаните забележуваат дека се создаваат турканици, па се поставува прашањето дали е потребна реорганизација и дисперзирање на повеќе локации ?
Досега, заклучно со 18 април вакцинирани се 7020 здравствени работници со прва и 6.750 со втора доза на вакцина против КОВИД-19. На 31 март со почетокот на вакцинацијата на населението за лицата над 73 години вакцинирани се 13 575 лица. На 5 април, пак, почна масовната вакцинација во вакцинален пункт во салата „Борис Трајковски“, каде се вакцинирани вкупно 18 376 лица. Бројот на лица заинтересирани за вакцинација во овој момент е 188,562. Податоците секојдневно се ажурираат на, велат од надлежното Министерство.
Нина Стефанова