Со обвинение против сопственичката на ДИЈАМЕД, Вера Иванова заврши истрагата за лиценцата со која единствено оваа компанија го доби монополот за дијализа.
Таа е обвинета дека како управител на трговското друштво Метрополитен во 2013 та година го добила тендерот за дијализа од Министерството за здравство. Но според обвинителството целта не било да ја извршува здравствената дејност 20 години на колку што е дадена лиценцата, туку само да профитира. Oбвинителството тоа го правда бидејќи фирмата метрополитен станала основач на ПЗУ дијамед и во февруари 2014 та го склучила договорот за дијализа со министерството.
Една година подоцна Иванова со цел да го продаде јавниот монопол во здравството, започнала преговори со странско правно лице шведската компанија Дијаверум за да ги продаде удели во МЕТРОПОЛИТЕН. За да ја избегне обврската за добивање согласност од Министерството уделот го пренела на МЕТРОПОЛИТЕН и покрај тоа што Диамед бил носител на лиценцата. Со ова Министерството не можело да утврди дали шведската компанија ги исполнува истите тендерски услови. Вредноста на уделот од 3 700 евра пораснала на 11.560.000 евра за колку и го продала на шведската фирма со која во 2018 та го потпишала договорот за дијализа. Парите ги пуштила во оптек и тоа износ од 3.200.000 евра, на нејзина сметка во земјава и 8.300.000 евра, на сметка во банка во Монако. Сега се гони за Злоупотреба на службената положба и перење пари.