Во обраќање до граѓаните на Србија од Бахреин, претседателот на Србија, Александар Вучиќ, ги коментираше последните најави од Европската унија, во врска со дискриминацијата на руските и кинеските вакцини во однос на дозволата за патување во ЕУ.
Според него најавата на ЕУ за воведување на ковид пасоши со одобрени вакцини од ЕУ е лоша и скандалозна одлука, спротивна на највисоките европски вредности.
„Зборуваат за слободата на движењето, сега за слободата на движењето никој не зборува, туку како да ја ограничиме. И тогаш уште нешто зборуваат па вие што вакциниравте, но не вакциниравте со наша дозвола па ќе видиме дали можеме некако да ви наштетиме. Не можат да кажат дека кинеската вакцина е полоша, зашто не е полоша, ниту од една од споменатите две вакцини кои се досега одобрени од трите во Европската медицинска агенција. Значи сите студии во Аби Даби покажуваат не само дека не е полоша, туку не сакам да кажам што друго“, изјави Вучиќ.
Јас мислам дека тоа е многу лошо. Јас прво не верувам дека тие можат да донесат таква одлука. Би било неразумно, но таа одлука има одлични страни за нас. Прво би ги прашал како без тој пасош ќе го примат еве унгарскиот премиер, кој се вакцинираше со кинеската вакцина. Еве јас ќе се вакцинарам со кинеската вакцина, посебно сега кога слушнав дека таква можност постои, не сакам да земам посебни тестови и не сакам да одам со врски во Брисел. Значи нема ништо од дијалогот со Приштина. Ако тое им е изборот јас немам ништо против. Но нека не се грижат овие нашите граѓани коишто ја примија кинеската вакцина, ќе им обезбедиме ние за 90 минути, ќе направиме лабораторија за 90 минути да можеме да им издадеме тестови и да можат да одат кај сакаат во Европа, изјави претседателот на Србија.