Рускиот опозициски лидер, Алексеј Навални, е отруен со воен нервен агенс од групата Новичок, соопшти германската влада. Токсиколошките тестови кои ги правела воената германска лабораторија потврдиле, без сомнение, присуство на хемискиот нервен агенс од групата Новичок. Во соопштението се додава дека германската канцеларка Меркел веќе се сретнала со своите соработници од кабинетот за да ги договорат следниче чекори.
Резулатите од тестовите веќе ги имаат добиено сопругата на Навални како и лекарите кои го лечат во берлинската болница, а Германија наскоро ќе ги информира и ЕУ и НАТО, по што ќе излезат со заедничко соопштение.
Од Кремљ велат дека не добиле никаква информација од Германија за најновите резултати, кои ги потврдија сомнежите на приврзаницците на Навални, дека е отруен со нервен агенс по наредба на Путин. Официјална Москва ги негира обвинувањата.
Навални беше отруен на аеродром, чекајќи авион за Москва. Руските доктори отпрво соопштија дека не е отруен, по што на барање на семејството беше префрлен во Берлин, каде се уште е во индуцирана кома.